नयाँकुरा डटकम
युरोपेली मुलुक नेदरल्याण्ड्समा बाग्लुंगमा मुल बसोबास भै हाल नेदरल्याण्ड्समा बसोबास गर्ने बाग्लुङलेलीहरुको ३० अक्टोबरको भर्चुअल भेलाले थानेश्वर कंडेलको अध्यक्षतामा बाग्लुङ समाज नेदरल्याण्ड्स गठन गरेका छन् ।
आगामी ६ महिना भित्रमा नेदरल्याण्ड्सको स्थानिय निकायमा दर्ता गर्ने, विधान निमार्ण गर्ने, बाग्लुङेलीहरुको तथ्याँक अध्यावधिक गर्ने र अधिवेसन गर्ने समेत भेलाले निर्णय गरेको छ ।
अध्यक्ष कंडेलले नेदरल्याण्ड्सको नेपाली समुदायहरुको साझा हित र सवालहरुमा हातेमालो गर्दै बाग्लुगंमा सिप तथा प्रविधिहरुको हस्तान्तरणमा काम गरिने बताउनु भएको छ ।
यस पुर्व, एनआरएन नेदरल्याण्ड्स र धौलागिरीको डायस्पोरा र नेदरल्याण्ड्स स्थित नेपाली संघसंस्था र समाजसेवीहरुको सहयोगमा धौलागिरी अस्पातालमा नमुना व्लड बैकको स्थापना भएको थियो । निर्वाचित कंडेलको संयोजकत्वमा उक्त परियोजना संपन्न भएको थियो ।
वाग्लुङ समाज नेदरल्याण्ड्सको समिति छिटै सार्वजानिक गरिने समिति श्रोतले बताएको छ । यस समितिले बाग्लुङको ढोरपाटनमा पुःन निमार्णमा ऐक्यवद्धता तथा सहयोग गर्ने, बाग्लुङ व्लड बैकलाई निरन्तरता दिने आगामी ७ नोभेम्र मा हुन गैरहेको अन्तराष्टिय बाग्लुङ समाजमा सहभागिता जनाउने निर्णय गरेको छ ।
वाग्लुङका दशवटा स्थानिय निकायबाट संभव भएसम्म सवैको प्रतिनिधित्व हुने बताइएको छ ।
