नयाँ कुरा आईतबार ,१७ सेपटेमबर ,आमस्ट्रडम,
नेदरल्याण्डसको राजधानी आमस्ट्रडम शहरमा आईतबार १० सेप्टेम्बरका दिन नेपाल डे बिभिन्न सुचनात्मक ,मनोरन्जनात्मक तथा सास्कृतिक कार्यक्रम साथ भब्य रुपमा मनाईएको छ ।
नेपाली कला सस्कृतिक,पर्यटन , योग ध्यान तथा सास्कृतिक कार्यक्रम सहित बिभिन्न नेपाल चिनाउने कार्यक्रमहरु प्रस्तुत गरिएको थियो ।
नेपाल बिकास प्रतिस्ठान ,नेपाल म्युजिक फाउण्डेशन नेपाली ब्यबसायिक संघ नेदरल्याण्डस ,नेपाली राजादुताबास सँगको सहकार्यमा कार्यक्रम आयोजना गरिएको थियो ।
नेपाली कन्सुलेट आमस्ट्रडम, आमस्ट्रडम नगरपालिका , एन आर एन ए नेदरल्याण्डस तथा नेदरल्याण्डसमा रहेका बिभिन्न संघ सस्थाहरुको पनि सहकार्य रहेको थियो ।
आयोजक संघहरुले नेपाली सास्कृतिक कला र सस्कृतिकलाई स्थानिय सस्थाहरु सँग समबन्ध बिस्तारमा कोषेढुङाको सुरुवात भएको बताईएको छ ।
कार्यक्रम आमस्ट्रडमको थिएटर हल (‘t Zonnehuis) मा दिनको १२:३० बजेबाट शुरु भै साँझ १८:०० बजे चलेको थियो ।
नेपालका भौगोलिक मौलिक सस्कृति ,गौतम बुद्धको जन्मथलो र संसार कै उच्च सिखर सगरमाथा झल्किने गरि गौतम बुद्धको आदर्श तथा जीवनसैली र विना अक्सिजन सगरमाथा आरोहणमा बनाईएको फिल्मको पनि प्रदर्शनी गरिएको थियो ।
नेपाल म्युजिक फाउण्डेशनले नेपाली कला सस्कृति र परम्परालाई डच समुदायको सामु पुग्ने गरि नेपाली नृत्य , संगीत र भेषभुषा पनि प्रदर्शनि गरेको थियो । सास्कृतिक , जातियता र लैङ्गिक रुपले अनेकतामा एकताले भरिपूर्ण मुलुकको गौरवशाली पहिचानको प्रबर्धन गर्न ढाका टोपी ,दौरासुरुवाल , गुरुङ तथा तामाङ ,भेष -भुषा , सास्कृतिक र संस्कारको पनि पर्दर्शनी गरिएको थियो ।
कार्यक्रमलाई नेपालीमय बनाउन आ-आफ्नो मौलिकता झल्किने गरि भेषभुषामा नेदरल्याण्डसबासी नेपालीहरुको बाक्लो उपस्थित रहेको थियो ।
नेदरल्याण्डसमा रहने नेपाल र नेपाली समुदायलाई बिशेष योगदान पुर्याएका डचहरु तथा नेपाली समुदायका सामाजिक ब्यक्तिहरुलाई नेपाली राजदुताबासको तर्फबाट सम्मान गरिएको छ ।
सम्मानित ब्यक्तित्वहरुमा अनिश गिरी, मार्टन ओल्टहोफ, डा. निरन्जन ढकाल, रोबेर्ट भन माओरिक, डा. बाल गोपाल श्रेष्ठ, मार्लिस बेक्स, डा अर्बिन्दमान तुलाधर, विल्को भन रोइयन, डि पि शर्मा मैनाली , काच्या स्तार्च्यस, शर्मिल शर्मिला, हेन्क होख्हाउस, शारदा बराइली, रेनात स्वार्च, हरी पौडेल र शशी पौड्याल रहेका थिए । सामाजिक, बैज्ञानीक, खेलकुद तथा परोपकारी क्षेत्रमा उल्लेखनिय भूमिका निर्वाह गर्नु भएकोले महामहिम राजदूतको हातबाट उहाँहरुलाई प्रमाणपत्र सहित मायाको चिनोले सम्मानित गरिएको थियो ।
हाम्रा समबाददाता सँगको कुराकानीमा मुल आयोजक समिती समयोजक शशी पौड्यालले नेपाली समुदाय र नेदरल्याण्ड्सको स्थानिय समुदाय बिच एकअर्काको कला – सस्कृति सँग घुलमिल गर्न यस्ता कार्यक्रमहरुले मद्दत गर्ने र आगामी दिनहरुमा पनि निरन्तर रहेन बताउनु भयो ।
गैरआवासिय नेपालीहरुले व्यवसायिक सफलता हासिल गरेको र दोस्रो पुस्ताका वालवालिकाहरुले नेदरल्याण्ड्समा शैक्षिक सफलताको शुरुवाती अवस्थामा रहेको छ ।
आमस्ट्रडम नगरपालिका नोर्थ कि पूर्व-सभापति एर्ना बेरन्सले नेपाली समुदाय प्रति गर्व गर्दै नगरपालिकाले नेपाली समुदायलाई साथ र सहयोग गर्न पनि तयार भएको बताउदै “नेपाल डे” जस्तो गरिमामय कार्यक्रममा बोल्न र प्रतिनिधित्व गर्न पाउदा खुशी पनि व्यक्त गरेका थिए ।
गौतम बुद्धको आदर्श विद, लेखक तथा भज्र फाउण्डेशनका संस्थापक मार्टन ओल्टहोफले आफुले गौतम बुद्धले गरेको तिर्थयात्रा आफूले पनि गरेको र त्यसको बारेमा किताव प्रकाशन गरेको जानकारी गर्दै भज्र फाउण्डेशन माफर्त शिक्षा र स्वास्थ्यको क्षेत्रमा दर्जनौ परियोजनाहरु नेपालमा सफलता पुर्वक सम्पन्न गरेको बताएका थिए ।
सिङ्गिङ बोल प्रशिक्षिका सावु पौडेलले दर्शकहरुलाई सिङ्गिङ बोल मेडिटेसन सानोद कुलुको साथमा दिएकी थिइन् ।
व्यापारी तथा च्यारिटी संस्थाहरुले कार्यक्रम हलको वरिपरी स्टलहरु राखि आ-आफ्नो नेपाली वस्तुहरुको व्यापार, पर्यटन र संस्थागत प्रवर्धन गरिरहेका थिए भने हल बाहिर हिमालय किचन रेस्टुराँले नेपाली खानाको व्यवस्था गरिरहेको थियो ।
कार्यक्रमको बिचबिचमा नेपाली सांस्कृतिक विविधता झल्किने गरि तामांग समुदाय लगायतको नृत्य र संगीतको प्रस्तुतिले दर्शकहरुलाई नेपाली रङ्गिन संस्कृतिमा ढाली रहेको पाइन्थ्यो
सामुहिक रुपमा सिङ्गो नेपाली संस्कृति झल्किने गरि विभिन्न कलाकारहरुले संगीत, नृत्य र जातीय तथा सामूदायिक भेषभूषा प्रदर्शनी गरेका थिए ।
शर्मिला प्रधानले कार्यक्रमको रुपरेखा, लक्ष्य, उद्देश्य , सहकार्य साथै स्वागत मन्तब्य,बास दे नाइस र सुर्य राज गिरीले कार्यक्रम सन्चालन ,मन्च तथा कलाकार व्यबस्थापन सावु पौडेल, प्रविधि व्यवस्थापन शरद जोशी र राजेन्द्र शर्मा(नेपाल प्रेमी)ले गरेका थिए ।
